Азыркы саатта айыл-чарба тармагында иштеген 15 голландиялык компаниянын өкүлдөрү кыргыз бизнесмендери менен жолугуп жатат. Эки өлкөнүн ортосунда заманбап технологиялар, жашылча-жемиш сактоочу жайлар, күнөскана, картөшкөнү кайра иштетүү жабдыктары менен тааныштыруу жана ун өнөр жайы, сүт, мал чарба, куш чарба, жем өндүрүү, этти, балыкты, жемиштерди экспорттоо маселелери талкууланууда.
“Эки тарап бири-биринин мүмкүнчүлүктөрүн билип алганы жөндүү. Кыргызстанда агро тармагын өнүктүрүү абдан маанилүү. Күнөскана, муздаткыч, складдар, картөшкө боюнча бир нече долбоорлорубуз бар. Ишкерлер ушинтип пикир алышып, келишим түзүп турса, эң сонун болот”, – дейт Нидерландынын элчиси Андре Карстэнс.
“Кыргызстандын жайгашкан жери ыңгайлуу, коңшу базарларга чыкса болот. Биздин кызыгуубуз абдан эле күч”, – деп кошумчалады ал.
Булак: KyrgyzToday.kg
КОММЕНТАРИЙ КАЛТЫРУУ