Бүгүн, 21-октябрда эртең мененки саат 06.00дө Бишкектин Свердлов районунун милиция кызматкери машинеси менен бакты сүзүп, каза болду. Бул тууралуу Бишккек ШИИБисинин басма сөз кызматы билдирди. 1992-жылы туулган кенже лейтенат К.А. “Хюндай Гетц” автоунаасы менен жумушуна шашып бараткан. Лебединовка айылынан машинесин башкара албай калып, бакты барып сүзүп олтурат. Ал ошол замат Чүй облустук ооруканага жеткирилгени менен, эсине келбей, алган жарааттардан улам жан берген. Медициналык жана автотехникалык экспертиза дайындалып, тергөө амалдары жүрө баштады.
Булак: KyrgyzToday.kg
КОММЕНТАРИЙ КАЛТЫРУУ