2019-жылдын 9 айында аталган министрликтен 25 кызматкер бошотулган. Бул тууралуу, 24-октябрда Транспорт жана жол министрлигинин статс-катчысы Эрмек Мамыркалиев өздөрүнүн коллегия жыйынында билдирди.
Анын айтымында министрликте кадрлар токтобой жатыптыр.
“25 кызматкер жумуштан кетти – көпчүлүгү жаш адистер, бир же эки жыл эле иштешкен, айлыктын аздыгын айтып, премия жок экенин какшап, преспектива жок экенин сөз кылып кетип жатышат”, – деди ал.
Азыр министрлик айлык акыны көбөйтүү боюнча иш алып барып жатышканын айтты.
“Эгерде чарба эсебине (хозрасчет) өткөндө, көйгөйдү бир аз болсо да чечмекпиз. Мунун үстүндө иштеп жатабыз”, – деди ал.
Ал эми Транспорт жана жол министри быйыл программалык бүджет бекигенин маалымдады.
Булак: KyrgyzToday.kg
КОММЕНТАРИЙ КАЛТЫРУУ