Бүгүн, 30-октябрда ЖК жыйынында Ысык-Көл облусундагы пансионаттардын 112синде тазалоочу жайлар бар экенин, анын 84ү гана иштегени боюнча Мамэкотехинспекциянын директорунун орун басары Расул Артыкбаев маалымат берди.
Парламентте “КРнын Ысык-Көл аймагындагы биосфераны коргоо тармагындагы кээ бир мыйзамдарына өзгөртүү киргизүү жөнүндө” мыйзам долбоору талкууланууда.
Вице-спикер Мирлан Бакиров көпчүлүк тазалоочу жайлар 1970-жылдары курулганын айтып, кайсылары иштебегенин сурады.
Расул Артыкбаев “Белый пароход», «Утес», «Архитектор», «Кыргызстан», «Камвольщик», «Агат», «Золотой требас», турбаза «Кырчын», «Алтын-Куль», «Элнуру», «Голубой Иссык-Куль» пансионаттарында тазалоочу жайлары иштебей турганын кабарлады. Ошондой эле акыркы жылдары 30 тазалоочу жайлар курулганын кошумчалады.
Мыйзам долбоорунун демилгечиси депутат Экмат Байпакбаев («Республика – Ата-Журт») азыркы тазалоочу жайлар талапка жооп бербегенин айтты. “Тазалоочу жай деген аты эле бар. Бул мыйзам тазалоочу жайлары жок пансионаттардын жоопкерчилигин күчөтөт”, – деди.
Булак: KyrgyzToday.kg
КОММЕНТАРИЙ КАЛТЫРУУ