Бүгүн, 5-ноябрда Ош шаарына жылуулук бериле баштайт. Бул тууралуу Бишкек мэриясынын маалымат кызматы билдирди.
Алардын айтымында, жылуулук алгач оорукана, бала бакча, мектептерге берилет.
Ал эми “Электр станциялары” ААКтын маалымат кызматынын маалыматына караганда, Ош ЖЭБине 319 көп кабаттуу үй, 200 менчик турак жай, 88 бюджеттик уюм карайт. ЖЭБ беш өнөр жай ишканасы жана 298 мекемени жылуулук менен камсыздайт.
Эске сала кетсек, Бишкекте жылуулук 1-ноябрда берилген.
Булак: KyrgyzToday.kg.
КОММЕНТАРИЙ КАЛТЫРУУ