Учурда Кыргызстанда Турдакун Усубалиевдин 100 жылдыгына арналган майрамдык иш-чаралар жүрұұдө. Бүгүн, 5-ноябрда, Бишкекте мамлекеттик ишмерлердин аллеясында Кыргыз Эл Баатыры, мамлекеттик ишмер Турдакун Усубалиевдин 100 жылдыгына карата митинг-реквием болуп өттү. Бул тууралуу мэриянын басма сөз кызматы билдирди.
Алардын айтымында, аталган иш-чарага Биринчи Май районунун башчысы, шаардык жана райондук кеңештин ардагерлери жана Бишкек шаарынын тургундары катышкан.
Эске сала кетсек, 2-ноябрда, Чолпон-Ата шаарында “Рух Ордо” комплексине Турдакун Усубалиевдин 100 жылдык мааракесине карата эстелиги тургузулган. Кечээ, 4-ноябрда Нарын шаарында айкели ачылса, Бишкектеги улуттук филармонияда салтанаттуу иш-чара уюштурулган. Анда эмгек сиңирген куруучу Асан Давлетов Турдакун Усубалиевдин ысымын Бишкекке берүүнү сунуштаган.
25 жыл Кыргызстанды башкарган Туурдакун Усубалиев 2015-жылы 7-сентябрда 96 жашында каза болгон.
Булак: KyrgyzToday.kg
КОММЕНТАРИЙ КАЛТЫРУУ