Чүй облусунун Беловодск айылындагы балдардын психоневрологиялык социалдык стационардык мекемесине заманбап салынган ашкананын ачылыш аземи бүгүн, 5-ноябрда болуп өттү. Бул тууралуу “Ас-салам” кайрымдуулук фондунун басма сөз кызматы билдирди.
Алардын айтымында, аталган фонддун президенти Нурмухамед Миңбаевдин демилгеси менен заманбап ашкана салынып берилген. Ошондой эле ашкана акыркы үлгүдөгү керектелүүчү жабдыктар менен камсыз кылынган.
Эске сала кетсек, кечээ, 4-ноябрда Чүй облусундагы Аламүдүн районуна караштуу Маевка айылынын тургундары таза суу менен камсыз болгон. Аны да “Ас-салам” кайрымдуулук фонду каржылаган. Аталган фонддун жетекчиси Нурмухамед Миңбаев кайрымдуулук иштерди жасап, элдик батасын алып, алгылыктуу иштерди жасап, Кыргызстандын өнүп-өсүшүнө салымын кошуп келет. Кыргызстанда ушундай инсандарыбыз көп болсун!
Булак: KyrgyzToday.kg.
КОММЕНТАРИЙ КАЛТЫРУУ