Акыркы айларда ундун кымбатташы менен өлкөдө бир топ ун азыгынан жазалган тамак-аштар кымбаттап кеткени байкалган. Бирок, республика боюнча 2019-жылдын 4-октябрдан тарта 1-ноябрга чейин азык-түлүктун кээ бир түрлөрүнө болгон баа төмөндөгөнүн адистер айтышууда. Мисалы:
– Кумшекер 1,31 сомго же 2,97%;
– Өсүмдүк майы 0,09 сомго же 0,10%;
– Кой эти 0,3 сомго же 0,09%;
– Картошка 1,07 сомго же 5,88%;
– Цемент 0,6 сомго же 0,20%.
Бирок, ундун баасы уламдан улам жогорулоодо. Ноябрь айынын биринчи аптасындагы мониторингге ылайык, Кыргызстанда жогорку жана бнринчи сорттогу ундун баасы дагы жогорулаган. Бул тууралуу Улуттук статистика комитети кабарлады.
Буга чейин өкмөт жыл башынан бери биринчи сорттогу ундун килограммы 18,4 пайызга жогорулаганын айткан эле. Ушул тапта жогорку сорттогу буудай уну Бишкек шаарында 39 сомго, Ош шаарында 51 сомго, Ноокатта 50 сомго, Балыкчыда 45 сомго, Чаекте 36 сомго, Токтогулда 37 сомго, ал эми Баткенде 39 сомго бааланып жатат.
Булак: “Факты.kg”
КОММЕНТАРИЙ КАЛТЫРУУ