Эртең, 14-ноябрда, саат 17:15те Дөлөн Өмүрзаков атындагы стадиондо футбол башталып, Кыргызстан менен Жапониянын футболчулары беттешет. Оюн 2022-жылы өтө турган Дүйнө чемпионатынын тандоо турунун алкагында өтөт. Бул тууралуу Футбол федерациясыны басма сөз кызматы бүгүн билдирди.
Алардын айтымында, билеттердин бардыгы сатылып бүттү. Эртең эшик оюн башталарына эки саат калганда ачылат. Арена 18 миңден ашык адамга ылайыкталгандыктан күйөрмандар стадионго батпайт, ошого байланыштуу фан-зона уюштурулат. Бул боюнча дагы кошумча маалымат берилет.
Эске сала кетсек, Жапониянын футбол боюнча курама командасы жана өкүлдөрү 11-ноябрда Кыргызстанга учуп келишкен.
Булак: KyrgyzToday.kg
КОММЕНТАРИЙ КАЛТЫРУУ