Кант диабети менен кан басымды текшертүү төрт күн бекер жүргүзүлөт. Кайсы жерде, саат канчада?

14-ноябрь – Кант диабети менен күрөшүүнүн бүткүл дүйнөлүк күнү. Ошого карата Бишкекте төрт күн бою кандагы канттын өлчөмүн акысыз ченөө акциясы өтөт. Бул тууралуу бүгүн, 13-ноябрда мэриянын басма сөз кызматы билдирди.

Алардын айтымында, акция эртең, 14-ноябрда башталат. Ден соолукту чыңдоо борборунун дарыгерлери менен Эндокриндик борбордун кызматкерлери шаардын ар кайсы жеринде  кандагы кантты текшерип, кан басымды бекер өлчөп беришет. .

Кайсы жерде, саат канчада кабыл алат?

1. 14-ноябрда, саат 10.00дөн 14.00гө чейин “Дордой Плаза” соода борборунда;
2. 18-ноябрда, саат 9.00дөн 12.00гө чейин Абай, 93 дарегиндеги карылардын үй-интернатында;
3. 19-ноябрда, саат 9.00дөн 12.00гө чейин Интергельпо, 8 дарегиндеги карылардын үй-интернатында;
4. 20-ноябрда, саат 9.00дөн 12.00гө чейин Күрөңкеев, 89 A дарегинде жайгашкан “Ардагер” геронтология борборунда.

Булак: KyrgyzToday.kg