15-ноябрда ведомстволор аралык комиссиянын чогулушу болуп, эксперт Алик Жанузаков: “Азыр көмүр кени казылган жерлерде көзөмөлдүн дезометрикалык кызматы жок, ошондуктан кандай көмүр алып жатканыбыз белгисиз”, – деди.
Анын айтымында, мурда көмүр кени казылган жерлерде радиацияны текшерген көзөмөлдүн дезометрикалык кызматы болуп, үч күн сайын көмүрдү текшерип турчу экен.
“Азыр мындай кызмат жок. Ал эми уранга тыюу салынган мыйзам долбооруна Таш-Булак гана эмес, 308 жер да туш болду”, – деди эксперт.
Ошондой эле Таш-Булакты текшергенде, радиация 37ден 83 микрорентгенди түзгөнүн айтып, бул коркунучтуу эмес экендигин, ал боюнча актылар менен протоколдор түзүлгөнүн айтты.
Чогулуштун катышуучулары да текшеришкенин, бирок көрсөткүчтөр башка болгонун айтышты.
Булак: KyrgyzToday.kg
КОММЕНТАРИЙ КАЛТЫРУУ