Бүгүн, 15-ноябрда Жумгал районундагы аким жаңы орун басарлуу болду. Нарын облусундагы Жумгал районунун мамлекеттик администрациясынын башчысынын социалдык маселелер боюнча орун басары болуп Өмүралиева Фатима Арманбековна дайындалды.
Ал буга чейин Жумгал райондук билим берүү бөлүмүнүн башчысы болуп 2017-жылдан бери иштеп келген. Кесиби мугалим. Азыркы Арабаев атындагы университетти, мурдагы В.Маяковский атындагы кыз-келиндер институтун орус тили жана орус адабияты бөлүмүн аяктаган. Өмүр бою өз кесиби менен иштеп келген. 57 жашта. 1962-жылы Жумгал районундагы Чаек айылында туулган. Үй-бүлөлүү. Эки уул, бир кыздын энеси.
Булак: KyrgyzToday.kg
КОММЕНТАРИЙ КАЛТЫРУУ