Бүгүн, 18-ноябрда, Бишкекте жолдон өтүп бара жаткан кызды машина сүзүп кетип, каза болду. Бул тууралуу Жол кыймылынын коопсуздугун камсыздоо башкы башкармалыгынын басма сөз кызматы билдирди.
Алардын айтымында, кырсык эртең мененки саат 8:00дөр чамасында болгон. Юнусалиев көчөсүнөн (Ахунбаев көчөсүнөн өткөндөн кийин) Nissan X-Trail үлгүсүндөгү машинанын айдоочусу жолдон өтүп бара жаткан кызды коюп кеткен. Ал алган жаракатынан улам, ошол жерде көз жумган. Учурда кыздын өздүгү такталууда. Айдоочунун машинасы айып короого киргизилген.
Булак: KyrgyzToday.kg
КОММЕНТАРИЙ КАЛТЫРУУ