Караганды облусундагы «Казакстан» шахтасында бир жумушчу каза болду. Бул тууралуу ал кенди иштетип жаткан «АрселорМиттал Темиртау» компаниясынын басма сөз кызматы билдирди.
Маалыматка караганда, 16-ноябрда болгон окуяны териштирүү үчүн мамлекеттик комиссия түзүлдү. Компаниядан жумушчунун өлүмүнүн себептерин билдиришкен жок.
Жергиликтүү басылмалардын билдиришинче, жумушчунун сөөгү көмүр төгүлгөн жерде табылган.
6-ноябрда Караганда облусунда «АрселорМиттал Темиртау» компаниясына таандык «Саранск» көмүр кенинде бир жумушчу мерт болгон. Компания өкүлдөрү жумушчу кокустуктан улам каза болгонун билдиришип, окуяны териштирүү үчүн комиссия түзүлгөнүн айтышкан.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ