Депутат өз арызында Мелис Аспеков андан 11 миң доллар доолап жатканын келтирген.
“2019-жылдын 4-июнунан 9-сентябрга чейин мени коркутуп, менин кадыр-баркымды түшүрө турган далилсиз маалыматтарды ММКлар менен Интернетке жарыялайм деп шантаж кылып, 11 миң АКШ доллар беришимди талап кылып келет. Мен ал айткан сумманы берүүдөн баш тарктанымда, М.Аспеков айтканын кылып, мен жөнүндө жалган маалыматтарды таратып келет”, – деп айтылат арызда.
Арыз 2019-жылдын 18-сентрябрында жазылган.
Чыныбай Турсунбеков Кыргызстанда ийгиликтүү ири бизнес ачканы менен белгилүү. Эң чоң бизнес-долбоору – “Акун” заводу. Соңку жылдары анын ишканаларын үй-бүлө мүчөлөрү менен ишенимдүү кишилери жетектеп келет.
Эскерте кетсек, 2019-жылы жайында активист Мелис Аспеков соцтармактар аркылуу 2011-жылы төмөнкү баада сатылган Бишкек ликер-арак заводу жөнүндө жазып, ага Чыныбай Турсунбековду байлап келген. Мындан бир канча жыл мурун укук коргоо органдары бул иш боюнча тескеп, мыйзам бузуу табышпай, иш жабылган эле.
Булак: KyrgyzToday.kg
КОММЕНТАРИЙ КАЛТЫРУУ