«Бир дагы жеткинчек бала светтик илимден четте калбоосу керек», — деп баса белгиледи Кыргыз Республикасынын Президенти Сооронбай Жээнбеков бүгүн, 21-ноябрда Бишкекте өтүп жаткан «Ислам жана Православие — тынчтыктын диндери» эл аралык конференциясында. Бул тууралуу президенттин аппаратынын басма сөз кызматы билдирди.
«Биздин Конституциябыздын 45-беренесинде „негизги жалпы билим алуу милдеттүү“ деп так жана даана жазылып турат. Ошондуктан медреседе болобу, чиркөөдө болобу, диний билим берүү иш-аракети мамлекеттик негизги жалпы билим алууга кедерги болбошу керек», — деп белгиледи Мамлекет башчысы.
КОММЕНТАРИЙ КАЛТЫРУУ