Бул тууралуу Ош шаарынын ИИБиси 21-ноябрда билдирди. Маалыматка ылайык, 1991-жылы туулган П.Г. атуу келинди боз үйдө күйөөсүнө кошок кошуп жаткан жеринен милиция кызматкерлери кармап кетишкен.
Сурак чурунда келин күйөөсүн бир нече ирет башка раматура менен урганын айткан. 19-ноябрда күйөөсү түнкү 23:00дө үйгө келип, бутун чечип жатканда экөө уруша кетип, келин үч жолу арматура менен башка урган экен. Кошуна келин тез жардам чакырган. Натыйжада күйөөсү эсине келбей, ооруканадан жан берген. Аялы коңшу келинге “ушундай абалда келди” деп койгон. Өлгөн бечара коомдук транспорттун айдоочусу болуп иштеген. Артында 3 баласы калды. Далил катары 97 сантиметрлик, диаметри 12 мм арматура алынды. Тергөө амалдары жүрүүдө.
Булак: KyrgyzToday.kg
КОММЕНТАРИЙ КАЛТЫРУУ