Бүгүн, 7-декабрда, Сокулук районунун ИИБнин башчысы, милициянын полковниги Максат Чойбеков жол кырсыгына кабылды. Бул тууралуу Чүй ОИИББнин басма сөз кызматы билдирди.
Алардын айтымында, жол кырсыгы 7-ноябрда, таңкы саат 4.00дө Бишкек — Нарын — Торугарт жолунда болгон. Максат Чойбеков айдап бараткан Mercedes-Benz үлгүсүндөгү машина менен жүк ташыган кичиавтобус кагышкан. Кырсыктын кесепетинен кичиавтобустун айдоочусу жаракат алып, Кант шаарындагы ооруканага жеткирилген. Ал эми подковник жеңил жаракат алып, медпунктка көрүнүп, үйүнө кеткен. М.Чойбековдун мас абалында болгон-болбогонун Ысык-Ата районунун тергөө органдары иликтейт.
Булак: KyrgyzToday.kg
КОММЕНТАРИЙ КАЛТЫРУУ