Бул тууралуу 19-декабрда комиссия мүчөлөрү айтышты. Алардын айтымында, Башкы прокуратурага, УКМКга, Экономикалык кылмыштарга каршы күрөшүү мамкызматына, ИИМге жөнөткөн каттарга жооп ала башташкан. Комиссия мүчөлөрү эмки жумадан баштап жыйындарды ачык режимде өткөрө башташмакчы.
Бардык маалыматты комиссиянын төрагасы Талант Мамытов чогултуп жатат. Ал бардык кызыккан суроолорго түшүндүрмө берүүгө даяр экенин билдирди. Сурала турган тараптардын тизмесин тактап жатышыптыр.
Эскерте кеткек, кытайлык бизнесмен Айэркен Саймаити 10-ноябрда Ыстамбул шаарынан өлтүрүлгөн. Ал Фатих районунда кафеде олтурган жеринен атып кетишкен. Саймаитинин кыргыз саясатчылары менен түшкөн сүрөттөрү жарыяланганда, Жогорку Кеңеш бул өлүмдү иликтөөнү туура көргөн.
Башкы прокуратура кылмыш ишин козгоп, тергөө иши мекемелер аралык тергөө тобуна тапшырган.
Булак: KyrgyzToday.kg
КОММЕНТАРИЙ КАЛТЫРУУ