Мамлекеттик каттоо кызматынын башчысы Алмаз Мамбетов 19-декабрда басма сөз жыйынында Кыргызстанда жасалма паспорттор берилип жатканы боюнча имиштерди четке какты.
“Жасалма паспорттор Москвадан жасалып жатканын уккам. Бирок жеке өзүм бир паспортту да өз көзүм менен көргөн жокмун. Бирок баары бир ушак-айың тарап, жасалма паспорттор сатылганын айтышууда, эми аны укук коргоо органдары териштирсин”, – деди Алмаз Мамбетов.
Эскерте кетсек,парламент жыйынында вице-спикер Аида Касымалиева орусиялык шаарларда кыргыз паспорттору коңшу мамлекеттердин жарандарына сатылып жатканы боюнча маалымат берген.
Булак: KyrgyzToday.kg
КОММЕНТАРИЙ КАЛТЫРУУ