Бишкекте баңгизатты интернет-магазин аркылуу сатып жүргөн адам кармалды. Бул тууралуу Баңгизатка каршы күрөшүү мамлекеттик кызматынын басма сөз кызматы билдирди.
Бул факт Жазык кодексиндеги 267-берене (баңгизатты, психотроптук заттарды мыйзамсыз даярдоо жана сатуу) боюнча Кылмыштар жана жоруктардын бирдиктүү реестрине катталган.
Териштирүү иштеринин жыйынтыгында Бишкек шаарынын 1984-жылы туулган А.И. жараны кармалган. Компьютердик техника: ноутбук, Wi-Fi роутер, флеш-карта, диск, уюлдук телефон, сим картаны жандандыруу үчүн атайн аппарат, ошондой эле баңгизат: марихуана, шприцтеги гашиш майы, сары түстөгү тетрагидроканнабинол (ТГК) кошулган муз ж.б. ар түрдүү , Кыргызстандын жана Россиянын банктык карточкалары, баңгизатты таңгактоо үчүн фиксатору менен баштыкчалар алынган.
Учурда сотко чейинки өндүрүш жүрүүдө.
Булак: “KyrgyzToday”
КОММЕНТАРИЙ КАЛТЫРУУ