Америка кошмо штаттарынын CNN телеканалы Кыргызстанды туристтер эс ала турган эң мыкты 20 өлкөнүн катарына киргизди. Бул тууралуу CNN Travel жазып чыкты.
CNN телеканалы чыгыштан Кытай, түндүгүнөн Казакстан, батышынан Өзбекстан курчап турган Кыргызстанды “Борбордук Азиянын бермети” деп атап, Ысык-Көлдү аймагындагы жайдак тоолорду Американын батышындагы улуу каньондору менен атаандаша алат деп салыштырган. Ал эми бийике тоолуу жайлоолорду Европанын Альпы тоолорунун шиберлери менен теңтайлаша алат деп ишендирет.
“Кышында Караколдо лыжа тээп эс алса болот, ал эми жайында Тянь-Шань тоолорун жөө же атчан кыдырып, Кыргызстанда жылы бою эс алууга болот” деп жазат CNN Travel өзүнүн сайтында.
Булак: KyrgyzToday.kg
КОММЕНТАРИЙ КАЛТЫРУУ