Кечээ, 3-январдан баштап, Ысык-Көлдөгү “Кумтөр” кенинде убактылуу иш токтоду. Бул тууралуу «Кумтөр Голд Компани» компаниясынын басма сөз кызматы бүгүн, 4-январда билдирди.
Алардын билдирүүсүнө караганда, «Кумтөр Голд Компани» компаниясынын директору Деон Баденхорст ушул жылдын 1-январында лицензияларынын мөөнөттөрү бүткөндүгүнө байланыштуу ишти убактылуу токтотуу боюнча буйрукка кол койгон. Буйрукта тоо-кен иштерин 3-январда, таңкы саат 07:00дөн баштап токтотуу тууралуу жазылган. Аталган компаниянын расмий өкүлү Марина Гаврилова бул маселе боюнча дүйшөмбүдө, 6-январда кеңири маалымат бериле турганын билдирди.
Булак: KyrgyzToday.kg
КОММЕНТАРИЙ КАЛТЫРУУ