4-январь күнү Ат-Башы районунун Казыбек айылында хоккей боюнча Нарын облусунун турнири болуп өттү. Ага Миң-Куш жана Нарын шаары менен Ат-Башы өрөөнүнүн айылдарынын хоккей командалары катышты.
Тагыраагы муз үстүндөгү мелдеш Миң-Куш, Нарын шаарынын, Талды-Суу, Ак-Муз жана Казыбек айылдарынын командаларынын ортосунда жүрдү.
1-орунду – чемпиондукту Миң-Куштун хоккейчилер командасы 23 упай менен утуп алды.
2-орунду Казыбек айылынын командасы 9 упай менен жеңип алды.
3-орун Нарын шаарынын жаштар командасына 6 упай менен ыйгарылды.
Турнирдин соңунда жеңүүчүлөрдү сыйлоо аземи болуп өтүп, анда:
1-орунга чыккан Миң-Куш командасы 10 000 сом, кубок, диплом, медаль менен сыйланды.
2-орунга чыккан Казыбек айылынын командасына 5 000 сом, диплом, медаль ыйгарылды.
3-орунга чыккан Нарын шаарынын жаштар командасы 3 000 сом, диплом, медаль менен сыйланышты.
Булак: KyrgyzToday.kg
КОММЕНТАРИЙ КАЛТЫРУУ