Алдамчылыкка шектелип эки жаран кармалды. Бул тууралуу ИИМдин басма сөз кызматы бүгүн, 26-февралда билдирди.
Алардын айтымында, 2019-жылдын август айында Сокулук РИИБне Чүй облусунун тургуну кайрылган. Ал өздөрүн Аман жана Эсен аттуу жигиттерге чара көрүүүнү суранган. Арыз ээсинин айтымында, алар 2013-жылы жай айында жер тилке алып берүүнү убада кылышкан. Ордуна 8 500 долларлык «Тойота Харриер» унаасын алышкан. Берген убадаларын аткарбай, качып кетишкен.
Аталган факт КРнын Жазык кодексинин 204-берене (алдамчылык) беренеси боюнча кылмыштардын жана жоруктардын бирдиктүү реестрине катталган.
Кылмышка шектүү катары 35 жаштагы О.А. жана Б.Х. кармалган. Алар Токтогул районунда жашап келишкен. Алар уюшкан кылмыштуу топтун мүчөлөрү катары ИИМдин каттоосунда турганы анык болгон.
Кармалгандар Сокулук РИИББнин убактылуу кармоочу жайына киргизилди. Тергөө амалдары жүрүүдө.
Булак: «KyrgyzToday»
КОММЕНТАРИЙ КАЛТЫРУУ