Бүгүн, 27-февраль күнү Жогорку Кеңештин кезектеги жыйынында депутат Жыргалбек Турускулов: “Быйыл кургакчылык болобу же болбойбу?” – деп суроо салды.
“Кыргызгидрометтин биринчи берген маалыматы боюнча, көпчүлүк бассейндерде нормадан азыраак болот. Муну тактап, маалыматты апрель айынын башында беришет. Ошондо так жооп бере алабыз” – деп жооп берди Суу агенттигинин директорунун орун басары Абдывай Жайлообаев.
“Сиз так эле айтып койсоңуз, суу жетиштүү болобу же жокпу? Бул дыйкандарга эң кооптуу” – деди депутат.
“Былтыркыга салыштырмалуу бир аз тартыш болот” – деп жооп берди Абдывай Жайлообаев.
Булак: «KyrgyzToday»
КОММЕНТАРИЙ КАЛТЫРУУ