“Мен азыр Американын элчилигинен чыктым, биздин кыймылга куугунтук болуп жатат. Баягы күнү ООНго да жазгам. 2-марттагы митингден кийин провокаторлор атайын провокация уюштурду. Кечки саат 18:00 болуп калган, Тоңдон келген Рустам аттуу бала баштады провокацияны. Анын видеосу интернетте деле жүрөт. Мен азыр УКМКга суракка бара жатам. Кыргыз элим билсин: бул провокацияны кайсы бир топ атайын уюштурган, ал топ кимдер экенин тергөө аныктасын”, – деп билдирди бүгүн, 6-мартта Садыр Жапаровду колдоо митингинин уюштуруучуларынын бири Бакай Кашкарбаев.
“Апа, сар-санаа болбо, баары жакшы болот. Атыр, балдарым, Наиля кызым сар-санаа болбогула, баары жайында болот. Эми кудайдын жазганын көрөбүз. Биз акыйкат, чындык үчүн күрөштүк. Биз бийлик талашканы барган эмеспиз. Биз Садыр Жапаровду талашып бардык ал жакка”, – деди Бакай Кашкарбаев.
Булак: KyrgyzToday.kg
КОММЕНТАРИЙ КАЛТЫРУУ