Бүгүн, 6-мартта Сокулук районундагы Степное айылында жайгашкан аялдар абагында Сулуулар сынагы болуп өттү. Бул тууралу КР ЖАМКнын басма сөз кызматы билдирет.
Бүгүнкү сулуулар сынагынын жеңүүчүсү болуп КР Жаза кодексинин 104-беренеси менен узак мөөнөткө соттолгон Кундуз аттуу кыз табылды. Ал буга чейин да эки жыл катары менен ушул эле түрмөнүн эң сулуусу деп аталып, эки сынакты жеңип чыккан. Кундуз дагы абакта 5 жыл олтуруш керек.
Сулуулар сынагына абактын төрт бөлүмүнөн кыз-келиндер катышкан. Алар ыр окуудан, тамашалуу оюн аткарып, кыргыз ырчыларынын ырларын ырдап берип, өз колдору менен тиккен көйнөктөрү менен атаандашышкан. Натыйжада Кундуз жеңүүчү болуп табылган.
Булак: KyrgyzToday.kg
КОММЕНТАРИЙ КАЛТЫРУУ