“Кырк чоро” уюмунун төрагасы Руслан Адылов 8-марттагы баштала элек жатып, кууп таркатылган феминисттик жүрүш тууралуу өзүнүн оюн билдирди.
“Мурда 8-март күнү аялдардын эл аралык күнү катары белгиленчү. Акыркы эки жылда ал күн майрам эмес эле, аялдардын укугун коргоочу күн эмес эле, феминисттик топтордун, ЛГБТ уюмдарынын кызыкчылыгынан улам параддарга айланып кетти” – деп билдирди Руслан Абылов.
“Биз, кыргыз эли миң жылдардан бери өзүнүн улутун, маданиятын сактап келгенбиз. Анан кайдагы бир аз топ адам чыгып алып, бизге радикалдуу көз караштарын таңуулаганын туура эмес деп билем. Биз бирөөнүн укугунун тебеленишине каршыбыз. Элдин көзүнө радикалдар ак калпакчак балдар эмес, феминисттик маршты жүргүзгөндөр радикалдар болуп калды. Анткени алар Кыргызстанда жок нерсени таңуулап жатышат” – деп айтты “Кырк чоро” уюмунун төрагасы Руслан Адылов.
Булак: «KyrgyzToday»
КОММЕНТАРИЙ КАЛТЫРУУ