Бүгүн, 15-мартта Франциядан келген Өзбекстандын жараны COVID-19 коронавирусун жуктуруп алганы катталды. Бул тууралу Өзбекстандын Саламаттыкты сактоо министрлигинин санитардык-эпидемиологиялык агенттиги билдирет.
“Он бешинчи мартта жергиликтүү саат 06:00дө Вирусология институтунун лабороториясында Франциядан келген Өзбекстандын жаранынан COVID-19 коронавирусу аныкталды”, – деп айтылат билдирүүдө.
Агенттик коронавирус жуктуруп алган жаран менен байланышта болгон жана бирге Франциядан учуп келген жүргүнчүлөрдүн тизмеси тактап, алардын жашаган жерлерин аныктап, өздөрүн издеп-таап медициналык көзөмөлгө алуу аракеттерин жасап жатат.
Ошондой эле агенттик жарандарды дүрбөлөңгө түшпөөгө чакырып, эпидемиологиялык абал көзөмөлдө экенине ишендирет.
Бүгүнкү күнгө чейин дүйнөдө коронавирустан 5 миң киши көз жумду.
Булак: KyrgyzToday.kg
КОММЕНТАРИЙ КАЛТЫРУУ