Бишкекте жарандарды кемсинткен билдирүүсү үчүн Даниэль Ажиев кармалды. Бул тууралуу ИИМдин басма сөз кызматы бүгүн, 27-мартта билдирди.
Алардын айтымы боюнча, күн мурун, 26-мартта ИИМдин Тергөө кызматы тарабынан сотко чейинки өндүрүштүн алкагында ыкчам-тергөө иш-чаралары жүргүзүлө баштаган.
КРнын Жазык кодексинин 313-беренесинде (Расалык, этностук, улуттук, диний же региондор ортосундагы кастыкты (араздашууну) козутуу) көрсөтүлгөн кылмышты жасоого шектелип Бишкек шаарынын тургуну, 1990-жылы туулган Даниэль Ажиев кармалып, Бишкек ШИИББдин убактылуу кармоочу жайына киргизилди.
“Күбөлөндүрүүнү жүргүзүү учурунда ал марихуана баңги каражатын колдонгондугу аныкталды” – деп айтылат маалыматта.
КОММЕНТАРИЙ КАЛТЫРУУ