Кыргызстанда дагы 10 адамдан таажывирусу табылды, өлкө боюнча алардын саны 94кө жетти

Бүгүн, 30-март күнү Кыргызстанда дагы 10 адамдан таажывирусу аныкталды. Бул тууралуу өкмөттүн басма сөз кызматы Саламаттыкты сактоо министрлигине шилтеме берип билдирет.

Жаңы учурлардын бардыгы Жалал-Абад облусунун Сузак районунда катталган.

Учурда Кыргызстан боюнча таажывирусун жуктуруп алгандардын саны 94кө жетти. Алардын ичинен:

– Чүй облусу – 10;

– Жалал-Абад облусу – 49;

– Нарын облусу – 1;

– Баткен облусу – 1;

– Ош облусу – 33.

Булак: KyrgyzToday.kg