Таажывирусун жуктуруп алган 107 бейтаптын ичинен 3 адам жандандыруу бөлүмүндө жатат. Бул тууралуу бүгүн, 31-мартта өкмөттүк брифингде таажывирус боюнча республикалык штабдын төрагасынын орун басары Касымбек Мамбетов билдирди.
Анын айтымы боюнча, 2 бейтаптын абалы орточо оор, туруктуу. Алар Ноокат аймактык ооруканасында дарыланып жатышат. Ал эми Ош облустук ооруканасында жаткан бейтаптын абалы өтө оор. Ал жасалма дем алдыруу аппаратына кошулган.
Кыргызстанда 107 адам таажывирусун жуктуруп алган. Алардын ичинен:
– Ош облусунда – 38 адам;
– Жалал-Абад облусунда – 50 адам;
– Бишкекте – 8 адам;
– Чүй облусунда – 4 адам;
– Баткен облусунда – 1 адам;
– Нарын облусунда – 4 адам;
– Ысык-Көл облусунда – 2 адам.
Булак: KyrgyzToday.kg
КОММЕНТАРИЙ КАЛТЫРУУ