Кыргызстанда таажывирусунун жайылышынан бери жалпысынан 5638 адам обочолонуп, 3870 адам үй көзөмөлүнө алынган. Бул тууралуу бүгүн, 31-мартта өкмөттүк брифингде таажывирус боюнча республикалык штабдын төрагасынын орун басары Касымбек Мамбетов билдирди.
Анын айтымы боюнча, 5 771 адам таажывирусу аныкталган бейтаптар менен байланышта болгон. Алардын ичинен 1561 адам – 1-категориядагы байланышта болгон жактар (жакындар жана үй-бүлөлүк байланыштар), 4210 – 2-категориядагы байланышта болгон жактар (башкалар). Ал эми обсервациялоо жайларында 1592 адам жатат.
Белгилей кетсек, Кыргызстан боюнча 107 адам таажывирусун жуктуруп алган. Алардын ичинен:
– Ош облусунда – 38 адам;
– Жалал-Абад облусунда – 50 адам;
– Бишкекте – 8 адам;
– Чүй облусунда – 4 адам;
– Баткен облусунда – 1 адам;
– Нарын облусунда – 4 адам;
– Ысык-Көл облусунда – 2 адам.
Булак: KyrgyzToday.kg
КОММЕНТАРИЙ КАЛТЫРУУ