“Күнүгө өзгөчө абал учурунда 100дөн кем эмес адам кармалып жатат. Бул жакшы көрсөткүч деп ойлобойм”, – деп билдирди Бишкек шаарынын коменданты Алмазбек Орозалиев бүгүн, 1-апрелде өкмөттүк онлайн брифингде.
Ал Бишкек шаарынын тургундарындарына кайрылып, коменданттык саатта көчөгө чыкпоого суранды. Коменданттык саатта көчөгө чыккан, дегеле өзгөчө абалдын эрежелерин бузган адамдар жок болушу керектигин белгиледи.
“Биз калктын коопсуздугун, тыччылыгын биринчи орунга коёбуз. Тартипти бекем сактоо менен биргеликте бул илдеттен бирге кутулабыз”, – деп кошумчалады комендант.
Булак: KyrgyzToday.kg
КОММЕНТАРИЙ КАЛТЫРУУ