Бүгүн, 1-апрелде парламенттин жыйынында Кыргыз Республикасынын Жогорку Кеңешинин депутаты Эльвира Сурабалдиева: “УКМК Сокулук районунда таажывирус илдетин жуктурган адам табылды деген жигитти ушак жалган, маалымат таратты деп кечирим суратты” деп билдиргени боюнча УКМК төмөнкүлөрдү түшүндүрдү.
Таажывирустун Республикалык штабынын расмий маалыматына ылайык, Сокулук районунда таажывирус инфекциясы табылган жок. Жалпысынан Чүй облусунда үч гана учур катталды. Алардын бири Москва районунда жана экөө Аламүдүн районунун Көк-Жар айылында катталган.
Ушуга байланыштуу УКМК жарандардан жана депутаттардан “сөзүңүздөрдө туура, так болуңуздар” жана мамлекеттик органдардын расмий маалыматтарына гана ишениңиздер деп кеңеш берди.
КОММЕНТАРИЙ КАЛТЫРУУ