Баткен облусуна коомдук бирикмелердин бири тарабынан өпкөнү жасалма дем алдыруучу жабдуу (ИВЛ) берилди. Бул тууралу бүгүн, 1-апрелде таажывирусуна каршы күрөшүү боюнча республикалык штабдан билдиришти.
Баасы 23 миң доллар турган өпкөнү жасалма дем алдыруучу жабдуу, Баткен облустук ооруканасынын жандандыруу бөлүмүнө орнотулду.
Дарыгерлердин айтымында, облустук ооруканада мындай 9 аппарат бар. Бүгүнкү орнотулган заманбап жабдуу, оорукананын материалдык техникалык базасын чыңдоого зор салым кошту.
Мындан сырткары дарыгерлер үчүн 150 миң сомго көп жолу колдонулуучу 30 комплект коргонуучу кажататтар, 400 миң сомго Баткен шаарындагы социалдык шаарчада жашаган 106 үй-бүлөгө азык-түлүк жана гигиеналык каражаттар берилди.
КОММЕНТАРИЙ КАЛТЫРУУ