Menu

Видео – Түркмөн президенти Гурбангулы Бердымухамедов Ички иштер министрлигинин Институтунда болуп, өзүнүн көзгө атар өнөрүн көрсөттү

Бөлүшүү:

Түркмөнстандын президенти Гурбангулы Бердымухамедов 31-мартта Түркмөнстандын Ички иштер министрлигинин Институтунда болду. Бул тууралуу ТДХ мамлекеттик маалымат агенттиги билдирди.

Маалыматка ылайык, билим берүү мекемесинин кире беришинде мамлекет башчысын ички иштер министри Мамметхан Чакиев тосуп алып, институттун иши жөнүндө айтып берди.

Президент спорт залдарын кыдырып, институттун ишмердүүлүгү менен таанышып, ал жерде алардын жабдуулары жана спорттун ар кандай түрлөрү менен машыгуу үчүн түзүлгөн шарттар жөнүндө сурады.

Андан кийин мамлекет башчысы Галкан кышкы спорттук борборуна барды, ал жерде Галкан Ички иштер министрлигинин жана министрликке баш ийген Несиль институтунун хоккей командалары машыгышат. Мамлекет башчысы курсанттардын окуу процесси жана алардын окуусу менен таанышты.

Ошондой эле Бердымухамедов Ички иштер министрлигинин түзүмдүк бөлүмдөрүндө турган заманбап курал-жарактар ​​жана шаймандарды көрүп чыкты.

Атайын атуу бөлмөсүнө кирип, ал жердеги аскер куралдарынын арсеналынын өзгөчөлүктөрү менен таанышып, андан кийин бутага аткан. Президенттин атканы мыкты ондукка кирген.

Андан кийин президент Ички иштер министри М.Чакиевге өзү аткан бутаны тапшырды. Министр аны ыраазычылык менен кабыл алып, ички иштер министрлигинин музейинде татыктуу орунду ээлей тургандыгын баса белгиледи.

Иш сапардын аягында Президент институтка Түркмөнстанда жасалган 300 компьютер белек кылды.

Кыргызчалаган: KyrgyzToday.kg

 

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

93 − = 87

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: