Бүгүн, 2-апрелде Кытай өкмөтү Кыргызстанга таажывирусун ыкчам аныктоочу 21 миң даана SARS CoV-2 Antibody test реагенттерди берди. Бул тууралуу КР Саламаттыкты сактоо министрлигинин басма сөз кызматы билдирди.
Экспресс-тесттерди тапшыруу иш-чарасы КР Саламаттыкты сактоо министри Сабиржан Абдикаримовдун жана Кытайдын Кыргызстандагы толук жана ыйгарым укуктуу өкүлү Ду Дэвендин жана КР Тышкы иштер министрлигинин экинчи саясый департаментинин директору Төлөндү Макеевдин катышуусунда өттү.
Берилген тесттер таажывирусунун бар жогун 20 мүнөттүн ичинде аныктайт жана республика боюнча вирустун жайылуусун алдын алууга мүмкүндүк берет.
Аталган экспресс-тесттер Кытайда, Түштүк Кореяда жана башка мамлекеттердеги таажывирусту аныктоодо жакшы жыйынтыктарды көрсөткөн.
Булак: Kyrgyztoday.kg
КОММЕНТАРИЙ КАЛТЫРУУ