Эртең, 4-апрель күнүн Кытай бийлиги таажывирустун курмандыктары үчүн аза күтүү күнү деп жарыялады. Мындай чечимди Кытай Эл Hеспубликасынын мамлекеттик кеңеши кабыл алганын “Синьхуа” агенттиги кабарлайт.
Эртең Кытайдын жана чет элдик элчиликтердин жана консулдуктардын имараттарындагы желектер түшүрүлүп, өлкөдөгү көңүл ачуучу коомдук иш-чараларды өткөрүүгө тыюу салынат.
Жергиликтүү убакыт боюнча саат 10.00дөн баштап үч мүнөттүк жымжырттык болот. Таажывирусунан улам каза болгон маркумдарды эскерүү үчүн автоунаалардын, поезддердин, кемелердин жана абадан коргонуунун сигналдары жаңырат.
Акыркы маалыматтар боюнча, Кытайда таажывирус менен ооруган адамдардын саны 82,4 миңден ашты. 3 миң 322 адам каза болуп, 76 миң 576 адам айыккан.
Булак: KyrgyzToday.kg
КОММЕНТАРИЙ КАЛТЫРУУ