Бүгүнкү таажывирус жуккан 14 жаңы учур Жалал-Абад жана Чүй облустарынан аныкталган

Кыргызстанда жалпысынан 130 адамдан таажывирусу аныкталды. Бул тууралуу бүгүн, 3-апрелде онлайн брифингде Саламаттыкты сактоо министри Сабиржан Абдикаримов билдирди.

Бүгүнкү катталган 14 жаңы учурлар: Жалал-Абад облусунда – 5, Жалал-Абад шаарында – 2, Чүй облусунда – 1, Бишкек шаарында – 6 адам катталан. Таажывирусун жуктуруп алган 14 адамдын 4сү сырттан келген, ал эми калган 10у Кыргызстанда сырттан келген оорулуулар менен байланышта болуп жуктуруп алышкан.

Таажывирусу аныкталган 130 бейтап төмөндөгү аймактардан аныкталган:

– Жалал-Абад облусу – 61,

– Ош облусу – 30,

– Чүй облусу – 6,

– Баткен облусу – 3,

– Ош шаары – 10,

– Бишкек шаары – 14,

– Нарын облусу – 4,

– Ысык-Көл облусу – 2.

130 адамдын ичинен 72си аялдар, 58и эркектер.

Белгилей кетсек, бүгүн, 3-апрель саат 9:00дө 9 жаңы учур катталган, 1 сааттан кийин эле (10:00дө) дагы 5 адамдан таажывирусу тастыкталып, республика боюнча таажывирусун жуктуруп алгандардын саны 130га жеткен.

Булак: KyrgyzToday.kg