Menu

Видео – Дастан Догоев: “Таажывирус боюнча түзүлгөн кырдаалга байланыштуу 400 IT адисинин башын бириктирген ыкчам IT-штабы уюшулду”

Бөлүшүү:

Дүйнөдө түзүлгөн кырдаалдан улам маалыматтык технологиялар жана байланыш комитетинин алкагында жеке сектордун катышуусу менен курамына ата мекендик жана жалпы дүйнө жүзү боюнча 400 IT адисинин башын бириктирген атайын ыкчам IT-штаб түзүлгөн. Бул тууралуу бүгүн, 4-апрелде Маалыматтык технологиялар жана байланыш мамлекеттик комитетинин төрагасы (МТБМК) Дастан Догоев өкмөттүк онлайн брифингде билдирди.

IT-штабдын эң негизги максаты – республикалык штабга тиешелүү багыттар боюнча колдоо жана жардам көрсөтүү болуп эсептелет.

“Бул багытта биз 2 жуманын ичинде бир нече санариптик ыкмаларды ишке киргиздик. Анын ичинде атайын интернет сайт – www.covid.gov.kg.  Ал жерде таажывируска байланыштуу маалыматтар жайгашкан. Аны менен бирге жарандарга маалымат алуу үчүн чат-боттор жана башка платформалар кирди. Ошондой эле жарандар өзүн-өзү диагностика жүргүзүүгө мүмкүнчүлүк берген атайын сайт – hidoctor.kg ишке кирди. Азыркы убакта биздин жарандарыбыз аны активдүү колдонууда” – деп билдирди Дастан Догоев.

“Бишкек шаарынын комендатурасы менен биргеликте, Бишкек шаарында транспорт менен жүрүүгө электрондук уруксат кагаздарын берүү системасы ишке киргизилди – 1312.tunduk.kg. 10259 электрондук арыз түшкөн, анын ичинен 413үнө уруксат кагаздары берилген, ал эми 7901 арыздын ээлерине комендатура уруксат кагаздарын берүүнү баш тарткан. Учурда 1940 электрондук форматта түшкөн арыздар каралып жатат” – деп кошумчалады.

Булак: KyrgyzToday.kg

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

− 1 = 9

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: