Бүгүнкү күндө “Санарип аймак” 8 айыл өкмөтүнө пилоттук режимде киргизилген. Бул тууралуу бүгүн, 4-апрелде Маалыматтык технологиялар жана байланыш мамлекеттик комитетинин төрагасы (МТБМК) Дастан Догоев өкмөттүк онлайн брифингде билдирди.
Президенттин жарлыгына ылайык, региондорду өнүктүрүү багытында атайын “Санарип аймак” системасы иштелип чыгууда.
“Бүгүнкү күндө “Санарип аймак” 8 айыл өкмөтүнө пилоттук режимде киргизилген. Биздин планыбыз боюнча 2020-жылдын май айында өлкөнүн бардык айыл өкмөттөрүндө “Санарип аймак” долбоорунун башталышы белгиленип, жылдын аягына чейин бул долбоор өлкөнүн бардык аймактарына киргизилет. Долбоордо электрондук документ жүгүртүүнү киргизүү, мамлекеттик жана муниципалдык кызматтарды электрондук форматка өткөрүү жана айыл өкмөтүнүн деңгээлинде башкаруу тутумун автоматташтыруу камтылат”,- деди Догоев.
КОММЕНТАРИЙ КАЛТЫРУУ