Жалал-Абад облусунда адамдар түндөсү бири-биринин үйлөрүнө кирип-чыгып жатышат. Бул тууралуу бүгүн, 6-апрелде Саламаттыкты сактоо министри Сабиржан Абдикаримов билдирди.
“Бир үйдөн экинчи үйгө, экинчи үйдөн үчүнчү үйгө барып, бири-бири менен байланышта болуп жатышат. Байланышта болгон адамдардын арасынан оорунун козгогучтарын таап жатабыз. Ошондуктан, дагы бир жолу чакырып кетер элем, өз үйүңүздөрдө отуруп турсаңыздар, муну менен өзүңөрдүн коопсуздугуңарды камсыз кылар элеңер” – деп билдирди министр.
Белгилей кетсек, Кыргызстанда жалпысынан 216 адамдан таажывирусу аныкталган. Жалал-Абад облусу боюнча 80 адамдан таажывирусун жуктуруп алган. 216 адамдын ичинен 5 бейтап жандандыруу бөлүмүндө жатат, анын экөөсү жасалма дем алдыруу аппаратына кошулган. Жалпысынан 33 адам айыгып, 4 жаран оорудан улам көз жумган.
Булак: KyrgyzToday.kg
КОММЕНТАРИЙ КАЛТЫРУУ