Menu

Эмне үчүн бир сутка ичинде 69 адамдан таажывирусу аныкталды? – Министрликтин жообу

Бөлүшүү:

Эмне үчүн акыркы 24 саат ичинде Кыргызстанда 69 адамдан таажывирусу табылды? Бул суроого КР Саламаттыкты сактоо министринин кеңешчиси Елена Баялинова жооп берди.

Жаңы учурлар: Ноокат районунда – 42, Кара-Суу районунда — 3, Ош шаарында – 2, Ош облусунда жалпысынан 47, Жалал-Абад облусунун Сузак районунда  — 13, Бишкек шаарында – 5, Нарын облусунда – 1, Ысык-Көл  облусунун Каракол шаарында – 1, Баткен районунда – 1, Чүй облусунун Кемин районунда— 1 катталган.

“Бул акыркы сутка ичинде 12-13-мартта умрадан келген жарандардан алынган үлгүлөр сыноодон өткөндүгүнө байланыштуу. Алардан үлгүлөр алынып тоңдурулган, 17-марттан бери ал адамдар обсервацияда жаткан” – деп билдирди.

КР Саламаттыкты сактоо министрлигинин ыкчам штабынан маалыматы боюнча, тилекке каршы, ПЧР диагностикасы үчүн реагенттердин жоктугунан улам, умрадан келгендерден үлгүлөрдү өз убагында сыноого мүмкүн болгон жок, бирок өз убагында байкоо жүргүзүүнүн натыйжасында, калк арасында COVID-19нын андан ары жайылышынын алдын алынды.

“Учурда Саламаттыкты сактоо министрлиги бардык зарыл нерселер менен камсыздалган жана ДСУнун сунуштарына ылайык, ПЧР текшерүүдөн өткөрүүнү улантууда. Жалпысынан 8 миңге жакын үлгүлөр тоңдурулуп, акыркы 24 саатта 800 тест өткөрүлгөн. Үнөмдөө үчүн 5-10 үлгүлөрдү чогултуп, бир түтүккө бириктирип, бир сыноо жүргүзүлөт, эгерде ал терс болуп калса, анда он тесттин бардыгы терс деп эсептелет, бирок оң натыйжа табылса, ар бир үлгү өзүнчө текшерилет” – деп кошумчалады Елена Баялинова. 

Белгилей кетсек, Кыргызстанда  216 адам таажывирусун жуктуруп алган. 33 адам илдеттен айыгып, 4 жаран оорудан улам көз жумган.
Булак: KyrgyzToday.kg    

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

− 5 = 4

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: