Кечээ, 6-апрель күнү Россиядан жана Беларусь Республикасынан Кыргызстанга тест-системалар келди. Бул тууралуу бүгүн, 7-апрелде Саламаттыкты сактоо министри Сабиржан Абдикаримов онлайн брифингде билдирди.
“Жалпысынан 23,5 миң анализге тест-система бар. Бүгүнкү күндө тоңдурулган биоматериалдардын анализдерин өткөрүү үчүн 3 кезметте иштөөгө өтөт. 2 күндүн ичинде 6 миңден ашык тоңдурулган анализдердин текшерип, тактап, бардыгын тазалайбыз. Ал эми калгандарын күнүгө текшерип, тез аранын ичинде аныктайбыз” – деп билдирди министр.
Белгилей кетсек, Кыргызстанда жалпысынан 228 адам таажывирусун жуктуруп алган.
Булак: KyrgyzToday.kg
КОММЕНТАРИЙ КАЛТЫРУУ