Кечээ, 7-апрелде болжол менен саат 19:30да Репин көчөсүндө жайгашкан №22 турак үйдөн өрт чыккан. Бул тууралуу ӨКМдин басма сөз кызматы билдирди.
“Өрттү өчүрүүгө жалпы 5 бөлүм, өрттү өчүрүү штабы, башкармалыктын ыкчам тобу жана ККББнын ыкчам топ КБП (ППУ) унаасы менен тартылган. Мындан сырткары ИИМден 1 экипаж, медициналык тез жардам кызматынан 1 бригада жана РЭТ мекемесинен 1 бригада тартылган” – деп айтылат маалыматта.
Өрт саат 20:20да чектөөгө алынып, саат 00:56да толук өчүрүлгөн. Өрттүн кесепетинен жалпы аянты 250 чарчы метр болгон түрак үй толугу менен күйгөн. Жабыркагандар жана каза болгондор жок.
Учурда келтирилген материалдык чыгымдар жана өрттүн келип чыгуу себеби такталууда.
КОММЕНТАРИЙ КАЛТЫРУУ