Медициналык кызматкерлерди жеке коргонуу буюмдары менен камсыздоодо көйгөйлөр жок. Бул тууралуу бүгүн, 8-апрелде өкмөттө өткөн брифингде биринчи вице-премьер-министр Кубатбек Боронов билдирди.
“Жеке коргонуу каражаттары бизге гуманитардык жардам аркылуу келет, же биз өзүбүз сатып алабыз” деди вице-премьер-министр.
Ошондой эле ал аймактарда жеке коргонуу шаймандары жетишпейт деген маалымат боюнча иш жүрүп жаткандыгын айтты.
“Бул маселе боюнча ыйгарым укук өкүлдөрү жана акимиаттар каражаттарды камсыз кылуу боюнча тиешелүү иштерди жүргүзүп жатышат”, – деди Боронов.
КОММЕНТАРИЙ КАЛТЫРУУ