Кыргызстанда дагы 18 адамдан таажывирусу аныкталды, эми алардын жалпы саны 298ге жетти

Бүгүн, 10-апрель саат 08:00гө карата Кыргызстанда дагы 18 адамдан таажывирусу аныкталды. Бул тууралуу өкмөттүк брифингде Саламаттыкты сактоо министринин орун басары Мадамин Каратаев кабарлады.

Жаңы учурлар: Бишкек шаарында – 6,  Чүй облусунда – 8, (Кемин району – 6, Токмок шаары – 1, Аламүдүн району – 1), Жалал-Абад облусунда – 3. (Сузак районунда – 2; Жалал-Абад шаары – 1) катталган.

Вирусту жуктургандардын арасында 5сү медицина кызматкерлери.

Муну менен өлкөдө ооругандардын жалпы саны 298ге жетти. Алардын ичинен:

– Ош облусунда — 98 адам;

– Жалал-Абад облусунда — 89 адам;

– Ош шаарында — 36 адам;

– Бишкекте — 42 адам;

– Нарын облусунда — 10 адам;

– Чүй облусунда — 15 адам;

– Баткен облусунда — 4 адам;

– Ысык-Көл облусунда — 4 адам.

Булак: KyrgyzToday.kg