Кыргызстанда дагы 41 адамдан таажывирусу табылды, алардын жалпы саны 339га жетти

Бүгүн, 11-апрелге карата Кыргызстанда дагы 41 адамдан таажывирусу аныкталды. Бул тууралуу өкмөттүк онлайн брифингде Саламаттыкты сактоо министринин орун басары Мадамин Каратаев билдирди.

Жаңы учурлар: Бишкек шаарында – 12,  Чүй облусунда – 3, Ош облусунда – 18, Ош шаарында – 6, Нарын облусунда – 2 катталган.

Муну менен өлкөдө ооругандардын жалпы саны 339га жетти. Алардын ичинен:

– Ош облусунда — 116 адам;

– Жалал-Абад облусунда — 89 адам;

– Ош шаарында — 42 адам;

– Бишкекте — 54 адам;

– Нарын облусунда — 12 адам;

– Чүй облусунда — 18 адам;

– Баткен облусунда — 4 адам;

– Ысык-Көл облусунда — 4 адам.

Булак: KyrgyzToday.kg